Գերմանիան կանգնած է քաղաքական փակուղու առաջ

Գերմանիայի ընտրություններին մեկ ամսից էլ քիչ ժամանակ է մնացել։ Ձախ կենտրոնամետ կանցլեր Օլաֆ Շոլցը սառը ջուր է լցրել երկրի ավանդական մեծ կոալիցիան վերակենդանացնելու հեռանկարի վրա՝ կոպտորեն հայտարարելով, որ «այլևս չի կարող վստահել» պահպանողական առաջնորդ Ֆրիդրիխ Մերցին, հայտնել է Politico-ն:

Նրա խոսքերը հնչել են այն բանից հետո, երբ Բունդեսթագը հավանություն է տվել պահպանողական Քրիստոնեա-դեմոկրատական միության (CDU/CSU) միջնորդությանը, որը թույլ է տալիս ապաստան հայցողներին հետ ուղարկել սահման:
Ընդ որում՝ պահպանողականները ստացել են աջակողմյան «Այլընտրանք Գերմանիայի համար» (AfD) և պահպանողական «Ազատ դեմոկրատներ» (FDP) կուսակցությունների աջակցությունը։

«Խախտվեց այն կոնսենսուսը, որ դեմոկրատական կուսակցությունները չեն համագործակցում ծայրահեղ աջերի հետ», – նշել է Շոլցը գերմանական ARD-ին տված հարցազրույցում: «Մերցը բազմիցս հավաստիացրել էր, որ դա տեղի չի ունենա։ Ահա թե ինչու ես այլևս չեմ կարող վստահել նրան, չնայած մեկ շաբաթ առաջ վստահում էի», – նշել է կանցլերը։Քվեարկությունը նշանավորվել է նաև նրանով, որ առաջին անգամ Բունդեսթագում ձայների մեծամասնություն ունեցող կուսակցությունն առաջ է մղել օրենսդրությունը ԱԳՀ-ի աջակցությամբ՝ չնայած Մերցի բազմիցս խոստումներին՝ ծայրահեղ աջ կուսակցությունը ձեռքից հեռու պահել: Շոլցը մեղադրել է ՔԴՄ-ին ԱԳՀ-ի աջակցությունը «միտումնավոր ընդունելու» մեջ։

Գերմանական հիմնական կուսակցությունները տարիներ շարունակ ծայրահեղ աջերի դեմ խիստ պատնեշ են դրել՝ հրաժարվելով կոալիցիաներից կամ ցանկացած մակարդակի համագործակցությունից: Սակայն ԱԳՀ-ի հեղինակությունն աճում է, և այն հաղթում ՝ տեղական ընտրություններում, ինչը ճեղքեր է առաջաում:

Մերցի պահպանողական ՔԴՄ-ն առաջատար է ազգային հարցումներում, ինչը նրան դարձնում է փետրվարի 23-ի քվեարկությունից հետո կառավարություն ձևավորելու ֆավորիտը: Սակայն, ակնկալվում է, որ ոչ մի կուսակցություն բացահայտ մեծամասնություն չի ունենա, իսկ ՔԴՄ-ն և SPD-ն կկազմեն մեծ կոալիցիա, ինչպես եղել է կանցլեր Անգելա Մերկելի օրոք 2013-ից 2021 թվականներին։ Շոլցի սուր հռետորաբանությունը, սակայն, ազդարարում է Ճեղքերի մասին, որոնք կարող են անգործունակ դարձնել նման դաշինքը և երկիրը տանել դեպի քաղաքական փակուղի:
Գերմանիայի նախկին կանցլեր Անգելա Մերկելը, իր հերթին ևս, հրապարակայնորեն քննադատել է իր կուսակցության առաջնորդ Ֆրիդրիխ Մերցին այն բանից հետո, երբ Քրիստոնեա-դեմոկրատական միությունը (ՔԴՄ) առաջին անգամ հենվել է ծայրահեղ աջերի ձայների վրա՝ խորհրդարանում հակամիգրացիոն առաջարկն ընդունելու համար: