Թեհրանի վրա ճնշում բանեցնելու Թրամփի փորձը կձախողվի. Իրանի ԱԳ նախարար
Իրանի վրա առավելագույն ճնշում գործադրելու ԱՄՆ նախագահ Դոնալդ Թրամփի նոր փորձը կավարտվի անհաջողությամբ, ինչպես նրա նախորդ նախագահական ժամկետում․ այս մասին հայտնել է իսլամական հանրապետության արտաքին գործերի նախարար Աբաս Արաղչին։
«Առավելագույն ճնշումը վատ փորձ էր, եւ նորից փորձելը կհանգեցնի մեկ այլ ձախողման»,- ասել է նա SNN-ի եթերում՝ մեկնաբանելով Թրամփի կողմից Թեհրանի վրա Վաշինգտոնի առավելագույն ճնշումը վերականգնելու մասին հրամանագրի ստորագրումը:
