Իրանը կշարունակի ներդրումներ կատարել քաղաքացիական ատոմային էներգետիկայում՝ չնայած Թրամփի սպառնալիքներին
Իրանը կշարունակի ներդրումներ կատարել խաղաղ միջուկային ծրագրի զարգացման համար՝ չնայած ԱՄՆ նախագահ Դոնալդ Թրամփի սպառնալիքներին։ Այս մասին հայտնել է Իսլամական Հանրապետության արտաքին գործերի փոխնախարար Մաջիդ Թախտ–Ռավանչին։
«Իրանը չի ձգտում միջուկային զենք ձեռք բերել, սակայն մտադիր է շարունակել ներդրումներ կատարել միջուկային էներգիայի մեջ՝ դրա խաղաղ օգտագործման համար», – նշել է դիվանագետը՝ իրաքյան «Ալ Ահադ» հեռուստաալիքին տված հարցազրույցում։
Նրա խոսքով՝ Իրանը միջուկային զենքի չտարածման պայմանագրի անդամ է, և նրա քաղաքականությունն այս ոլորտում չափազանց թափանցիկ է։ Դա որոշում է Իսլամական Հանրապետության գերագույն առաջնորդ Ալի Խամենեին: Փետրվարի 4-ին Իրանի արտգործնախարար Աբբաս Արաղչին հայտարարել էր, որ ԱՄՆ նախագահի մտահոգությունները Թեհրանի կողմից միջուկային զենք ձեռք բերելու վերաբերյալ անհիմն են։
Նրա խոսքով՝ Իսլամական Հանրապետությունը հավատարիմ է Միջուկային զենքի չտարածման պայմանագրին։ Բացի այդ՝ կա Իրանի գերագույն առաջնորդ Ալի Խամենեիի կրոնական հրամանը, որն արգելում է նման զենքի ստեղծումը։ Փետրվարի 10-ին Դոնալդ Թրամփը հայտարարել էր, որ Իրանի կողմից միջուկային զենքի ստեղծում կարող է կասեցվելը կա՛մ ռումբերով, կա՛մ համաձայնագրի ստորագրմամբ: Ամերիկացի առաջնորդը հավելել է, որ կցանկանար գործարք կնքել Իսլամական Հանրապետության հետ՝ առանց ռազմական հարվածների դիմելու։
