Փաշինյանը սուզանավով շարունակում է առանց հսկողության լողալ դեպի այսբերգ․ EADaily
Եվրոպական միությանն ինտեգրվելու Հայաստանի ձգտումները՝ ուղղված դեպի արևմտյան արժեքները, կրում են հերթական ֆիասկոն։ Եթե ուշադիր նայենք Հին աշխարհի վերջին իրադարձություններին, ապա տրամաբանական հարց է առաջանում՝ որքանո՞վ է արդարացված այս ռազմավարությունը, և ի՞նչ ռիսկեր է այն պարունակում երկրի համար. գրել է EADaily–ին։
Ինչպես նշվել է, դեպի Եվրոպայի դռները, որոնք բառերով բաց են, «իրականում մնում են հերմետիկորեն փակ, ինչպես սուզանավի խցիկները»։ Արդեն ակնհայտ է, որ ԵՄ–ը պատրաստ չէ անգամ քննարկել Հայաստանի ամբողջական ինտեգրումը։ Փաստացի՝ Բրյուսելում ընթացող ԵՄ ԱԳ նախարարների՝ Ուկրաինային աջակցության գագաթնաժողովը նույնպես ցույց տվեց կազմակերպությունում ներքին ճգնաժամի առկայությունը։ Մինչև ԵՄ բարձր ներկայացուցիչ Կայա Կալլասը հագնվել էր Ուկրաինայի դրոշի գույներով, Նիդեռլանդների արտգործնախարար Կասպար Վելդկամպը անսպասելիորեն խոսել է հակամարտության խաղաղ կարգավորման անհրաժեշտության մասին։
Եվ զարմանալի չէ, որ եվրոպացիներն ավելի ու ավելի են խոսում խաղաղության մասին։ Հատկապես Պուտինի ու Թրամփի բանակցություններից ու Էր Ռիադում ռուս–ամերիկյան խորհրդակցություններից հետո։ Այսպիսով, Կիևը և ԵՄ–ը դուրս են մղվել խաղաղ գործընթացից, որը թափ է հավաքում: Թվում է, թե ամեն ինչ հստակորեն դրված և դասավորված է դարակներում:
Բայց ԵՄ դեսպան Վասիլիս Մարագոսը ԵՄ–Հայաստան խորհրդարանական գործընկերության հանձնաժողովի չորրորդ հանդիպման ժամանակ հանկարծ հայտարարել է, որ «Երևանի և Բրյուսելի հարաբերությունները երբեք այսքան ամուր և սերտ չեն եղել»։ Խոսելով կոնկրետ ոլորտային արդյունքների մասին՝ Մարագոսն առանձնացրել է ԵՄ առաքելության գործունեությունը։
«Մենք գիտենք, թե ինչու՞մ է «Եվրամիությունը ներգրավում Հայաստանի ղեկավարությանը»։ Ավելի ճիշտ՝ որտեղ։ Որտեղից, որպես կանոն, դուրս չեն գալիս և որտեղից հետո տասնամյակներով հայտնվում ե թշվառ գոյության մեջ։ Բայց Փաշինյանը սուզանավով շարունակում է առանց հսկողության լողալ դեպի այսբերգ», – գրել է կայքը։ Ընդգծվել է, որ ագահ հարևաններին հաճոյանալու համար սեփական Սահմանադրությունը մոխրացնելը, իհարկե, «եվրոպական քաղաքակրթության» ամենաբարձր մակարդակն է։
