
Ո՞վ է Գյումրիում ՌԴ նոր հյուպատոսը
Ռուսաստանի Արտաքին գործերի նախարարությունը գլխավոր հյուպատոս է նշանակել Հայաստանում՝ Գյումրիում։ Նոր հյուպատոսը Իգոր Տիտովն է, հայտնել է գերատեսչության կայքը։
2024 թվականից մինչև իր նոր նշանակումը Տիտովը գլխավորել է Կապանում Ռուսաստանի գլխավոր հյուպատոսությունը բացելու թիմը։ Տիտովը ծնվել է 1961թ-ին։
1985 թվականին ավարտել է Մոսկվայի Մ.Վ.Լոմոնոսովի անվան Մոսկվայի պետական համալսարանին կից Ասիայի և Աֆրիկայի երկրների ինստիտուտը։ Տիրապետում է ճապոներենի, անգլերենի և ֆրանսերենի:
2019-ից 2023 թվականներին նա ղեկավարել է Ճապոնիայում «Ռոսսոտրուդնիչեստվոյի» ներկայացուցչությունը, որից հետո եղել է «Ռուսաստան-Ճապոնիա հասարակություն» համառուսաստանյան հասարակական կազմակերպության փոխնախագահը։