ԱՄՆ պետքարտուղար Մարկո Ռուբիոն հեռախոսազրույց է ունեցել ՌԴ ԱԳ նախարար Սերգեյ Լավրովի հետ

ԱՄՆ պետքարտուղար Մարկո Ռուբիոն և ՌԴ ԱԳ նախարար Սերգեյ Լավրովը հեռախոսազրույց են ունեցել։ Քննարկվել են Սաուդյան Արաբիայում բանակցությունների արդյունքները, դիվանագիտական շփումների կարգավորման հեռանկարները և Եմենում հութիների դեմ ամերիկյան ռազմական գործողության շուրջ ստեղծված իրավիճակը. այս մասին հայտնում է Պետքարտուղարությունը։

Ռուբիոն Լավրովին տեղեկացրել է հութիների դեմ ԱՄՆ ռազմական գործողությունների մասին և ընդգծել, որ Կարմիր ծովում ամերիկյան ռազմական և առևտրային նավերի վրա հութիների շարունակվող հարձակումները չեն հանդուրժի։