Պուտին-Թրամփ հանդիպման նախաշեմին՝ տեխնիկական բանակցություններ Էր Ռիադում
Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպմանը պետք է նախորդեն բարդ տեխնիկական բանակցություններ։ ՌԴ նախագահի մամուլի քարտուղար Դմիտրի Պեսկովը նշել է, որ երկուշաբթի բանակցողներն ուղևորվելու են Էր Ռիադ՝ այդ գործընթացը սկսելու համար։
Լրագրող Պավել Զարուբինին տված մեկնաբանությունում Պեսկովն ընդգծել է, որ Պուտինի և Թրամփի հանդիպումը պահանջում է մանրակրկիտ նախապատրաստություն։
«Սկզբում անհրաժեշտ է անցկացնել տեխնիկական բարդ բանակցություններ, և հենց այդ նպատակով մեր պատվիրակությունը երկուշաբթի կմեկնի Էր Ռիադ», – ասել է նա։
