Փարաքարում «Ապրելու երկիրը» հաղթեց ՔՊ-ին, կոալիցիայի կարիք չկա․ Մեսրոպ Առաքելյան
Փարաքար համայքում «Ապրելու Երկիր» կուսակցությունը ստացել է ընտրողների ձայների մեծամասնությունը՝ 57%․ ABC media–ի հետ զրույցում ասաց «Ապրելու Երկիր» կուսակցության համահմնադիր Մեսրոպ Առաքելյանը: Նրա խոսքով` ՔՊ–ի օգտին քվեարկել է ընտրողների 32%-ը:
«Մեր թեկնածուն՝ Վալոդյա Գրիգորյանը, առանց որևէ համայնքային ընտրության ստանձնելու է համայնքի ղեկավարի պաշտոնը: Կոալիցայի կարիք չունենք, մեր թիմը միաձայն հաղթել է, այսինքն՝ առանց որևէ ուժի հետ գործակցության կառավարելու ենք համայնքը»,- ասաց Մեսրոպ Առաքելանը:
Նրա խոսքով՝ ընթացիկ էական միջադեպեր չեն գրանցվել, եղել են մանր ընտրախախտումներ, որոնք չեն ազդել ընտրության վերջնարդյունքի վրա: «Եղել են ուղորդումներ, բաց քվեարկության դեպքեր և այլ միջադեպեր»,-ասաց Առաքելյանը:
