Զուրաբիշվիլին խոսել է Թրամփի հետ զրույցի բովանդակության մասին
Չինաստանի ներկայությունը Անակլիայում չի տեղավորվում ԱՄՆ քաղաքականության մեջ, հայտարարել է Վրաստանի հինգերորդ նախագահ Սալոմե Զուրաբիշվիլին Pirveli հեռուստաալիքի եթերում։
Նա խոսել է այն թեմաների մասին, որոնք, իր խոսքով, քննարկվել են 2024 թվականի դեկտեմբերի 7-ին Փարիզում ԱՄՆ և Ֆրանսիայի առաջնորդներ Դոնալդ Թրամփի և Էմանուել Մակրոնի հետ հանդիպման ժամանակ։
«Ես ասացի, որ Վրաստանը կա՛մ կարող է նոր խնդիր դառնալ Ամերիկայի համար, որը կարող է վերածվել անկայունության, կա՛մ, ընդհակառակը, վերածվել հաջող ռազմավարական լուծման: Թրամփն, ով ձգտում է ամրապնդել կայունությունն աշխարհում և բանակցություններ է վարում Ուկրաինայի շուրջ, նույնիսկ եթե խոսքը ժամանակավոր զինադադար մասին է, չի ցանկանում, որ անկայունության օջախ հայտնվի կարևոր տարածաշրջանում։ Օրինակ՝ Հայաստանն արդեն դարձել է ԱՄՆ–ի ռազմավարական գործընկերը։
Թրամփը որևէ շահագրգռվածություն չունի, որ Չինաստանը մտնի Անակլիա։ Դա ուղղակի չի համապատասխանում նրանց քաղաքականությանը: Չեմ կարող ասել՝ նա ցանկանու՞մ է դա, թե՞ ո՛չ, բայց դա չի տեղավորվում նրանց ռազմավարական կուրսի մեջ»,- ընդգծել է Զուրաբիշվիլին։
