03 Ապր
2025
19.4° c ԵՐԵՎԱՆ
19.3° c ՍՏԵՓԱՆԱԿԵՐՏ
ABCMEDIA
ՌԴ-ում վարորդ աշխատելու համար պարտադիր կդառնա քննություն հանձնելը

ՌԴ-ում վարորդ աշխատելու համար պարտադիր կդառնա քննություն հանձնելը

Ապրիլի 1-ից բոլոր այն օտաերկրացիները, անկախ հանգամանքից՝ ունեն բնակության իրավունք, թե երկքաղաքացի են, վարորդ աշխատելու համար պետք է քննություն հանձնեն և ձեռք բերեն ՌԴ վարորդական իրավունք. տեղեկացրել է «Հայկական Կարիտաս» կազմակերպության միգրացիոն ծրագրի փորձագետ Տաթևիկ Բեժանյանը։

Նա տեղեկացրել է, որ մինչև 2025 թվականի ապրիլի 1-ը բոլոր այն օտարերկրացիները, որոնք ունեին բնակվելու իրավունք և կացության կարգավիճակպարզեցված կարգով կարող էին փոխել իրենց ազգային վարորդական վկայականները՝ առանց քննություն հանձնելու:

Ըստ նոր  օրենսդրական փոփոխության` այն վարորդները, որոնք կաշխատեն ՌԴ֊ում՝ առանց ռուսական վարորդական իրավունքի, կտուգանվեն: Երկու անգամ այս խախտման համար  տուգանվելու դեպքում անձը կստանա մուտքի արգելք։

Բեժանյանի խոսքով` նրանց,ովքեր գնում են ՌԴ բացառապես անձնական մեքենայով՝ ոչ աշխատանքային գործունեություն ծավալելու,ոչինչ չի սպառնում: 

«Եթե անձը չունի Ռուսաստանի  Դաշնության կողմից տրամադրած վարորդական իրավունք, նա իրավունք չունի, որպես վարորդ աշխատելու։ Այսպիսի խախտման բախվելու դեպքում քաղաքացին  կարտաքսվի»,-նշել է նա։

Ռազմագերիներ