ՄԻՊ գրասենյակը պատասխանել է Հանրային ռադիոյի տնօրենի կնոջ գրառման վերաբերյալ ABC media-ի հարցմանը
Մարդու իրավունքների պաշտպանն անհատների խոսքը չի մեկնաբանում. ABCmedia-ի հետ զրույցում ասել է ՄԻՊ խորհրդական Արթուր Ասլանյանը։ Հարցը արցախցիների մասին հանրային ռադիոյի տնօրենի կնոջ գրառման վերաբերյալ էր։
«Պաշտպանի աշխատակազմն իրականացնում է սոցիալական ցանցերի և զանգվածային լրատվության միջոցների մշտադիտարկում, հավաքագրված տեղեկատվությունն ուսումնասիրվում է: Ամփոփելուց հետո Պաշտպանի աշխատակազմը հանդես կգա համապատասխան հրապարակումով: Նաև նշենք, որ համակարգային խնդիրների վերաբերյալ Մարդու իրավունքների պաշտպանը մշտապես հրապարակային խոսում է»,- ասել է Ասլանյանը։
Հիշեցնենք՝ Հանրային ռադիոյի տնօրեն Արմեն Քոլոյանի կինը՝ Շուշան Ղազարյանը, արցախցիներին թիրախավորող գրառում է արել: Ղազարյանը ներողություն է խնդրել արցախցիներից։
