Վարորդի բախտը բերել է՝ բանուկ տեղում էր․ Մելիքյանը՝ բռնությամբ բերման ենթարկված վարորդի ու միջադեպի մասին զրուցել է ABC media-ի հետ
ՆԳՆ պարզաբանումը ավելորդ անգամ հաստատում է այն, որ քաղաքական որոշակի բովանդակություն ունեցող գործերում ՆԳՆ դադարում է պետական կառույց լինելուց և վերածվում է Քաղաքացիական պայամանագրի զինված պահակախմբի գործառույթ իրականացնող մարմնի։ ABC media–ի հետ զրույցում ասաց իրավապաշտպան Ռուբեն Մելիքյանը՝ անդրադառնալով վարորդին բերման ենթարկելու ՆԳՆ պարզաբանմանն ու միջադեպին։
«Եթե որպես փաստ ընդունենք հայհոյանք հնչեցնելը, ապա նախ ինչու՞ են անհամաչափ ուժ կիրառում, ինչու՞ են գետնին պառկեցնում, և այդ ի՞նչ հայհոյանք էր, ու՞մ էր ուղղված, դրան ի՞նչ էր նախորդել․ սրանք պետք էր պարզել։ Բացի այդ՝ քաղաքացիները իրավունք ունեն բողոք արտահայտել, որոշ դեպքերում նաև կոշտ բողոք, որովհետև այս իշխանությունը չարաշահում է իր դիրքը և մարդականց անհարկի անհանգստություն պատճառում։ Սա որևէ կերպ չէր կարող նման արձագանք գտնել։ Քրեական դատավարության օրենսգիրքը բերման ենթարկելու տրամաբանություն չունի, եթե օրենքով սահմանված կարգով լիներ, նրան պետք է ձերբակալեին և ներկայացնեին հիմքը»,- ասաց Մելիքյանը։
Իրավապաշտպանը կարծում է՝ քաղաքացու բախտը բերել է, որ միջադեպը բանուկ հատվածում է եղել, տեսանկարահանել են։ Այլապես կարող էին ծեծել և այլ միջոցներ կիրառել։
Բացի այդ՝ եթե հայհոյելու համար մարդուն պետք է բերման են ենթարկել, ինչու՞ օրերս Գյումրիում ոստիկանների ներկայությամբ հայհոյած պատգամավորին՝ Վիլեն Գաբրիելյանին, չեն տեղափոխել բաժին. հարցնում է Մելիքյանը։
«Ոստիկանների կողքին ակնհայտ խուլիգանական վարք է ցուցաբերել պատգամավորը, բայց նրան զսպող ոչ մի քայլ չկատարեցին ոստիկանները։ Ինչու՞»,–ասել է Մելիքյանը։
Հիշեցնենք՝ մարտի 30-ին Գյումրիի քաղաքապետի ընտրության օրը «Քաղաքացիական պայմանագիր» խմբակցության պատգամավոր Վիլեն Գրիգոյանը գինով ցած վիճակում հայտվել է լրագրողների ուշադրության կենտրոնում։ Նա վիրավորել ու հայհոյել է վիրավորներին։ ABCmedia–ն դատապարտել էր պատգամավորի նման վարքը։
Միջադեպից երկու օր անց Գաբրիելյանը վայր է դրել մանդատը։
