
Տեղի ունեցածը հայության դեմ քայլ է. ABC media-ին նոր մանրամասներ են հայտնի դարձել Բեյրութում հայկական ակումբի դեմ հարձակման մասին
ABC media-ին նոր մանրամասներ է հայտնի դարձել Լիբանանում հայկական մարզական ակումբներից մեկի մոտ տեղի ունեցած հրաձգության մասին:
Հնչակյան կուսակցության Լիբանանի վարիչ մարմնի քարտուղար Տիգրան Միհրանյանի խոսքով՝ հայ երիտասարդները Հնչակյան մարմնակրթական ակումբի մոտ հավաքված են եղել, երբ նրանց մոտեցել է 2 անծանոթ:
«Անցնելով դռան մոտով՝ հարցրել են, թե ինչո՞ւ են իրենց նայում, հայ երիտասարդները չեն պատասխանել: Հետո մոտեցել են և այդ անձանցից մեկը կրակ է բացել հայ երիտասարդների ուղղությամբ»,-պատմել է Միհրանյանը:
Նա տեղեկացրել է, որ դիմել են իրավապահներին, արդեն քրեական գործ է հարուցվել:
«Վերլուծելով տեղի ունեցածը կարող ենք ասել, որ ապրիլին՝ Հայոց ցեղապսանության հիշատակի օրվան ընդառաջ, տեղի ունեցած միջադեպը զուգադիպություն չէ, հայության դեմ քայլ է»,–ABC media-ի հետ զրույցում ասել է Միհրանյանը:
Նա հավելել է, որ հարձակվողների դեմքը փակ է եղել, հայտնի չէ, թե ինչ ազգի ներկայացուցիչներ են։
«Պատահականություն չէր և բնականաբար համայնքային, ներհամայնքային խնդիրներ սկսելու փորձ էր՝ հայության դեմ քայլ: Սպասենք և ժամանակը ցույց կտա, թե ինչն էր պատճառը»,–եզրափակել է հնչակյան գործիչը: