Թրամփը վստահ է, որ կկարողանա Ուկրաինայի հարցով հաջողությամբ գործակցել ՌԴ-ի հետ
ԱՄՆ նախագահ Դոնալդ Թրամփը հայտարարել է, որ ի տարբերություն եվրոպացի առաջնորդների` կկարողանա Ուկրաինայի հակամարտության հարցում հաջող գործակցել Ռուսաստանի Դաշնության հետ։
«Եվրոպան հաջողության չի հասել նախագահ Պուտինի հետ հարաբերություններում: Բայց ես կարծում եմ, որ ես հաջողակ կլինեմ»,- ասել է Թրամփը իր ինքնաթիռում գտնվող ամերիկացի լրագրողներին՝ խոսելով Ուկրաինայի մասին։
Նրա կարծիքով՝ Ուկրաինայի նախագահ Վլադիմիր Զելենսկին «ցանկանում է գործարք կնքել» հակամարտության կարգավորման համար։
«Եվ կարծում եմ, որ նախագահ Պուտինը նույնպես պատրաստ է գործարքի», – հավելել է ԱՄՆ նախագահը։
Նա չի մեկնաբանել արտասահմանյան երկրների հետ տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևի և ամերիկյան վարչակազմի ներկայացուցիչների բանակցությունները Վաշինգտոնում։
