Թբիլիսիում մեկնարկել է Վրաստանի, Հայաստանի և Ադրբեջանի փոխարտգործնախարարների հանդիպումը
Թբիլիսիում մեկնարկել է Վրաստանի, Հայաստանի և Ադրբեջանի փոխարտգործնախարարների հանդիպումը. հայտնել է Վրաստանի ԱԳՆ-ն։
Վրացական կողմը բանակցություններին ներկայացնում է ԱԳ նախարարի առաջին տեղակալ Լաշա Դարսալիան, Ադրբեջանը՝ Էլնուր Մամեդովը, Հայաստանը՝ Վահան Կոստանյանը։
Հանդիպմանը կքննարկվեն եռակողմ համագործակցության հնարավորությունները։
«Տարածաշրջանի երկրները պետք է ընդհանուր մոտեցումներ մշակեն հարցերի մի ամբողջ շրջանակի վերաբերյալ: Սրանք այն ոլորտներն են, որոնք գլխավորն են լինելու այսօրվա հանդիպմանը»,- Դարսալիայի խոսքերն է մեջբերում մամուլի ծառայությունը։
