Հայաստանը, Վրաստանը և Սլովակիան աջակցել են Ռուսաստանի դեմ ՄԱԿ-ի բանաձևին
Հայաստանը, Վրաստանը և Սլովակիան պաշտպանել են ՄԱԿ–ի Գլխավոր ասամբլեայի բանաձևը, որը Ռուսաստանին մեղադրում է Ուկրաինայի դեմ ագրեսիայի մեջ։ Գլխավոր ասամբլեայի նիստի և քվեարկության տեսանյութը հրապարակվել է կազմակերպության պաշտոնական կայքում։
«ՄԱԿ–ի և տարածաշրջանային և այլ կազմակերպությունների միջև համագործակցություն. ՄԱԿ–ի և Եվրոպայի խորհրդի համագործակցությունը» վերնագրված փաստաթուղթն ընդունվել է ձայների մեծամասնությամբ: Կողմ է քվեարկել 105 երկիր։ Ինը երկիր, այդ թվում՝ Միացյալ Նահանգները, դեմ են քվեարկել, իսկ 33-ը ձեռնպահ են մնացել։ Ադրբեջանն ու Իսրայելը չեն մասնակցել քվեարկությանը։
Բանաձևի նախաբանում, մասնավորապես, նշվում է «Ուկրաինայի և Վրաստանի դեմ ռուսական ագրեսիայի մասին»։
