Հնդկաստանը դառնում է Հայաստան զենքի ամենամեծ արտահանողը․ Zee Business

Հնդկաստանն ակտիվորեն զարգացնում է իր պաշտպանական ոլորտը։ Վերջերս երկրի պաշտպանական արտահանման քաղաքականությունը կտրուկ փոփոխության է ենթարկվել՝ հրաժարվելով մահաբեր զենք վաճառելու նախկին դժկամությունից:

Zee Business-ի բացառիկ զեկույցի համաձայն՝ Հնդկաստանը դարձել է Հայաստան զենքի ամենամեծ արտահանողը։ Երկիրն աշխարհով մեկ արտահանել է ավելի քան 23,000 միլիոն ռուպի արժողությամբ զենք: Դրանց մեծ մասը ներկրվել է Հայաստանի կողմից։ Արդյունքում` Հայաստանն այժմ ունի 43 տոկոս «Արտադրված է Հնդկաստանում» մակագրությամբ զենք:

Sukhoi Su-30 կործանիչը, որը նախկինում արտադրում էր Ռուսաստանը, այժմ արտադրում է հնդկական Hindustan Aeronautics Limited (HAL) ընկերությունը՝ Sukhoi Su-30MKI անունով։

Ըստ հաղորդագրության՝ HAL-ը կարող է մեծ պատվեր ստանալ Հայաստանից Սու-30-ի հետ օգտագործվող «Աստրա» հրթիռների համար։

Հնդկաստանը Հայաստանին է մատակարարել նաև «Ակաշ» հակաօդային պաշտպանության հրթիռային համակարգեր և «Պինակա» բազմարձակիչ հրթիռային համակարգեր։