Համաշխարհային տնտեսության մասնատումը և սակագնային դիմակայությունը հնարավորություններ են բացում ԵԱՏՄ երկրների համար․ Օվերչուկ
ԵԱՏՄ երկրները պաշտպանված են ընդհանուր մաքսային շրջանակով՝ համաշխարհային տնտեսության մասնատումից և սակագնային բախումից. լրագրողների հետ զրույցում հայտարարել է Ռուսաստանի փոխվարչապետ Ալեքսեյ Օվերչուկը։
Նա մասնակցել է Տաշքենդում կայացած ԱՊՀ տնտեսական խորհրդի 105-րդ նիստին։
«Մենք այսօր այս հարցը բարձրացրել ենք մեր գործընկերների հետ և մենք նաև շատ ենք աշխատում Եվրասիական տնտեսական միության շրջանակներում, որտեղ մեր երկրները պաշտպանված են ընդհանուր մաքսային շրջանակով», – նշել է Օվերչուկը՝ պատասխանելով РИА Новости-ի հարցին՝ ԵԱՏՄ երկրների վրա համաշխարհային տնտեսության մեջ մասնատման և սակագնային դիմակայության ազդեցության մասին։
Նրա խոսքով՝ համաշխարհային տնտեսության մասնատումը և սակագնային դիմակայությունը հնարավորություններ են բացում ԵԱՏՄ երկրների համար։
«Այստեղ, իհարկե, անհրաժեշտ է նաև գնահատել այս իրավիճակը և բոլորով միասին արձագանքել այս նոր մարտահրավերներին։ Սակայն դրանք, միևնույն ժամանակ, նաև հնարավորություններ են բացում։ Քանի որ այս իրավիճակը նպաստում է մեր երկրների միջև փոխադարձ առևտրի բարելավմանը, մենք ավելի ակտիվորեն կհամագործակցենք միմյանց հետ այս առումով», – հայտարարել է ՌԴ փոխվարչապետը։
