CNN-ը ներկայացրել է Ուկրաինայում մարտական գործողությունները վերջնականապես դադարեցնելու ԱՄՆ-ի ծրագիրը

Ուկրաինայում մարտական գործողություններին վերջնականապես վերջ դնելու ԱՄՆ-ի ծրագիրը ներառում է Վաշինգտոնի կողմից Ռուսաստանի գրաված Ղրիմի՝ Ուկրաինայի հարավային թերակղզու նկատմամբ վերահսկողության ճանաչումը։ Բացի այդ՝ Ռուսաստանի տիրապետության տակ կանցնեն այն ուկրաինական տարածքները, որը Մոսկվան գրավել է 2022 թվականին սկսված լայնածավալ ներխուժումից ի վեր հայտնել է CNN-ը՝ հղում կատարելով ծրագրին ծանոթ պաշտոնյաների։

Ըստ տեղեկության՝ Թրամփը հիասթափված է, որ երեք տարվա պատերազմից հետո Մոսկվայի և Կիևի միջև խաղաղության համաձայնագրի կնքման իր ջանքերը մինչ օրս ապարդյուն են եղել։ Սպիտակ տունը այդ ժամանակվանից ի վեր ավելի ու ավելի հրատապ ջանքեր է գործադրում համաձայնագիր կնքելու համար։

ԱՄՆ պետքարտուղար Մարկո Ռուբիոն կիրակի օրը հայտարարել է, որ գալիք շաբաթը «շատ կարևոր» կլինի՝ որոշելու համար, թե արդյո՞ք ԱՄՆ-ն կարող է շարունակել Ռուսաստանի և Ուկրաինայի միջև խաղաղության միջնորդության փորձերը։ Սա ենթադրում է, որ նախագահ Դոնալդ Թրամփի կողմից համաձայնագրի հասնելու վերջնաժամկետը արագ մոտենում է։

«Մենք մոտ ենք, բայց բավականաչափ մոտ չենք», – հայտարարել է Ռուբիոն NBC-ի «Հանդիպում մամուլի հետ» հաղորդման ժամանակ։ Նա հավելել է, որ Մոսկվան և Կիևը ավելի մոտ են համաձայնագրի կնքմանը, քան երբևէ, ,բայց դեռևս մեղմացրել են առաջընթացի սպասումները մեղմ են։

Ավելի ուշ Ռուբիոն Ռուսաստանի արտաքին գործերի նախարար Սերգեյ Լավրովի հետ զրուցել է բանակցությունների նախապայմանների «համախմբման» մասին, ըստ Մոսկվայի Արտաքին գործերի նախարարության, որը զանգը որակել է որպես «կարծիքների արդյունավետ փոխանակում»։

Կրեմլի խոսնակ Դմիտրի Պեսկովը հայտարարել է, որ Ռուսաստանը պատրաստ է առանց նախապայմանների սկսել խաղաղության բանակցություններ Ուկրաինայի հետ։ Նրա խոսքով՝ ուղիղ բանակցությունները վերսկսելու համար անհրաժեշտ են ազդանշաններ Ուկրաինայից։

Հակամարտությունը դադարեցնելու վերաբերյալ վերջին ուղիղ բանակցությունները տեղի են ունեցել 2022 թվականի գարնանը։ Պուտինը ապրիլի 21-ին հայտարարել է, որ բաց է Ուկրաինայի հետ երկկողմ բանակցությունների հնարավորության համար, քանի որ ԱՄՆ-ի կողմից ճնշումը երկու կողմերի վրա էլ աճում է։

Ուկրաինայի նախագահ Վլադիմիր Զելենսկին, իր հերթին, խոստովանել է, որ Ուկրաինան չունի Ղրիմը ուժով վերադարձնելու համար անհրաժեշտ ռազմական հզորությունը, սակայն վաղուց հստակեցրել է, որ տարածքային զիջումները կարմիր գիծ են։ Ղրիմը ռուսական ճանաչելը նույնպես անօրինական կլինի Ուկրաինայի սահմանադրության համաձայն։

Վատիկանում շաբաթ օրը Հռոմի պապ Ֆրանցիսկոսի հուղարկավորությունից առաջ Թրամփի և Զելենսկու ուշագրավ անձնական հանդիպումից հետո ԱՄՆ նախագահը հայտարարել է, որ նրանք կարճ քննարկել են Ղրիմի հարցը, և որ նա կարծում է, որ Զելենսկին «ցանկանում է գործարք կնքել»։

Թրամփը նաև քննադատել է Պուտինին՝ մինչ օրս Ռուսաստանի առաջնորդի դեմ իր ամենաուժեղ մեկնաբանություններում։ «Ես ուզում եմ, որ նա դադարեցնի կրակոցները, նստի և ստորագրի համաձայնագիրը, ավարտի այն, և պարզապես վերադառնա կյանքի», – հայտարարել է Թրամփը։