Ադրբեջանցի պատգամավորին թույլ չեն տվել մտնել Ռուսաստան ռուսաֆոբ հայտարարությունների պատճառով

Ռուսաֆոբիկ և հակառուսական բազմակի հայտարարությունները հիմք են դարձել Ադրբեջանի Միլլի Մեջլիսի (խորհրդարան) պատգամավոր Ազեր Բադամովին Ռուսաստանի Դաշնություն մուտք գործելու թույլտվությունը մերժելու համար. այս մասին ТАСС-ին հայտնել է աղբյուրը։

Գործակալության աղբյուրի փոխանցմամբ՝ մայիսի 4-ին Բադամովին թույլ չեն տվել մուտք գործել Ռուսաստանի տարածք՝ «համաձայն «Ռուսաստանի Դաշնությունից դուրս գալու և Ռուսաստանի Դաշնություն մուտք գործելու կարգի մասին» Ռուսաստանի Դաշնության Դաշնային օրենքի 26-րդ և 27-րդ հոդվածների»։ Մերժման հիմքում ընկած են եղել նրա ռուսաֆոբիկ և հակառուսական բնույթի հայտարարությունները։

Աղբյուրը նշել է, որ ադրբեջանցի պատգամավորի նկատմամբ այս միջոցը «անձնական բնույթի» է, և դա չի փոխում Ռուսաստանի Դաշնության վերաբերմունքը ռուս-ադրբեջանական հարաբերությունները նախկին դաշնակցային և ռազմավարական գործընկերության ոգով զարգացնելու նկատմամբ։

«Ինչպես հայտնի է, նախկինում Ադրբեջան մուտք գործելու արգելք էր դրվել մի շարք ռուս օրենսդիրների վրա։ Վերջին նման դեպքը վերաբերում է Պետդումայի պատգամավոր Նիկոլայ Վալուևին», – հավելել է աղբյուրը։ Մոսկվան այն կարծիքին է, որ նման հարցերը պետք է լուծվեն դիվանագիտական ուղիներով, այլ ոչ թե՝ լրատվամիջոցներով բողոքներ հայտնելով։