ԱՄՆ պետքարտուղարը կմեկնի Թուրքիա
ԱՄՆ պետքարտուղար Մարկո Ռուբիոն կմեկնի Թուրքիա՝ մասնակցելու մայիսի 14-15-ը Անթալիայում կայանալիք ՆԱՏՕ-ի արտաքին գործերի նախարարների ոչ պաշտոնական հանդիպմանը, որտեղ նախարարները կքննարկեն դաշինքի անվտանգության առաջնահերթությունները, պաշտպանական ներդրումների ավելացումը և Ռուսաստան-Ուկրաինա պատերազմի ավարտը։
«Ռուբիոն Անթալիայում կլինի նախագահ Թրամփի օրակարգը առաջ մղելու համար, որը վերաբերում է դաշնակիցների կողմից ՆԱՏՕ-ի արդյունավետության ամրապնդման և բարձրացման գործում իրենց ներդրումն ավելացնելուն»,- ասել է խոսնակը։
