«Իրանական գործի» շուրջ առաջընթաց է նկատվում․ ՀԱՊԿ գլխավոր քարտուղար
Մասնագետներն առաջընթաց են նկատում, այսպես կոչված, «իրանական գործի» շուրջ՝ Վաշինգտոնի և Թեհրանի միջև Օմանում տեղի ունեցած անուղղակի բանակցությունների լույսի ներքո։ Այս մասին Բիշքեկում ՀԱՊԿ Խորհրդարանական վեհաժողովի (ԽՎ) նիստում հայտարարել է Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Իմանգալի Տասմագամբետովը։
Մայիսի 11-ին Իրանը և Միացյալ Նահանգները Օմանի միջնորդությամբ անցկացրեցին Թեհրանի միջուկային ծրագրի վերաբերյալ բանակցությունների չորրորդ փուլը։ Խորհրդակցություններին Իրանի պատվիրակությունը գլխավորում էր արտգործնախարար Աբբաս Արաղչին, իսկ ամերիկյան պատվիրակությունը՝ նախագահի հատուկ դեսպանորդ Սթիվեն Վիտկոֆը։ Ինչպես բանակցություններից հետո նշել է Իրանի արտգործնախարարն, այս փուլն ավելի լուրջ և անկեղծ էր, քան նախորդները, և կողմերի դիրքորոշումները մերձեցել են։ Մայիսի 16-ին ԱՄՆ նախագահ Դոնալդ Թրամփը հայտարարել է, որ Վաշինգտոնը Թեհրանին գրավոր առաջարկ է ուղարկել իրավիճակը կարգավորելու համար։
ՀԱՊԿ ԽՎ Խորհրդի նիստը տեղի է ունենում Ղրղզստանի մայրաքաղաք Բիշքեկում, որը 2025 թվականին կնախագահի կազմակերպությունում: Խորհրդը նախագահում է Պետդումայի նախագահ Վյաչեսլավ Վոլոդինը, որը նաև գլխավորում է ՀԱՊԿ ԽՎ-ն:
