Ուկրաինան գոհ չէ Ստամբուլում տեղի ունեցած բանակցություններից

Ուկրաինան գոհ չէ Ստամբուլում Ռուսաստանի և Ուկրաինայի պատվիրակությունների միջև կայացած բանակցություններից. Rzeczpospolita-ին տված հարցազրույցում ասել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։

«Մենք գոհ չենք Ստամբուլում կայացած բանակցություններից», – ընդգծել է նա։

Նրա խոսքով՝ Ուկրաինայում իրական խաղաղության բանակցությունները հնարավոր են միայն հրադադարից հետո։

Հիշեցնենք, որ մայիսի 16-ին Ստամբուլում տեղի են ունեցել Ռուսաստանի և Ուկրաինայի ներկայացուցիչների միջև 2022 թվականից ի վեր առաջին ուղիղ բանակցությունները։

Ռուսական կողմը բանակցություններից հետո հայտարարել էր, որ բավարարված է բանակցությունների արդյունքներից։