ՀԱՊԿ-ում ՀՀ-ի ակտիվ մասնակցությունից մինչև «3+3» ձևաչափով հանդիպում․ Լավրովի հիմնական հայտարարությունները
Ռուսաստանի արտաքին գործերի նախարար Սերգեյ Լավրովը Հայաստանի արտաքին գործերի նախարար Արարատ Միրզոյանի հետ մանրամասն քննարկել է տնտեսության և անվտանգության ոլորտում ամենաբարձր մակարդակով ձեռք բերված պայմանավորվածությունները։
«Մենք մանրամասն դիտարկեցինք ամենաբարձր մակարդակով ձեռք բերված համաձայնագրերի իրականացումը՝ ներառյալ այնպիսի ոլորտներ, ինչպիսիք են, առաջին հերթին, առևտրատնտեսական համագործակցությունը, անվտանգության հարցերը և փոխադարձ դիվանագիտական ներկայության ընդլայնումը, մասնավորապես՝ Կապանում գլխավոր հյուպատոսության բացումը։ Նախապատրաստական աշխատանքներն ընթացքի մեջ են», – նշել է Լավովը բանակցություններից հետո տեղի ունեցած մամուլի ասուլիսում։
Նրա խոսքով՝ Ռուսաստանը հետաքրքրված է քաղաքների, մունիցիպալիտետների, Ռուսաստանի և Հայաստանի մարզերի միջև քույրական հարաբերությունների համաշխարհային զարգացմամբ։ Բացի այդ՝ նախապատրաստվում է հաջորդ միջտարածաշրջանային ֆորումը։ «Սա ավելի կամրապնդի մեր դաշնակցային, ռազմավարական գործընկերության հարաբերությունների հիմքում ընկած նյութական հիմքը», – ընդգծել է Ռուսաստանի դիվանագիտական գերատեսչության ղեկավարը։
Անդրադռնալով անվտանգության ոլորտում համագործակցության թեմային՝ նա շեշտել է, որ ռուսական կողմը հետաքրքրված է Հավաքական անվտանգության պայմանագրի կազմակերպության (ՀԱՊԿ) աշխատանքներին Հայաստանի ակտիվ մասնակցությամբ։
«Մենք դաշնակիցներ ենք։ Այս տարի լրանում է Հայաստանում ռուսական ռազմաբազայի ստեղծման 30-ամյակը, որը կարևոր բաղադրիչ է երկրի անվտանգության շահերի ապահովման գործում», – հավելել է նա՝ ընդգծելով, որ Ռուսաստանը կողմնակից է երկու երկրների ռազմական և իրավապահ մարմինների, ինչպես նաև անվտանգության ծառայությունների միջև սերտ կապերի հաստատմանը։
«Այս ամենը պետք է հիմնված լինի նախորդ տարիների ընթացքում կուտակված հարուստ փորձի վրա», – նշել է Ռուսաստանի արտաքին գործերի նախարարության ղեկավարը։
Լավրովը նաև անդրադրձել է Հարավային Կովկասին նվիրված «3+3» ձևաչափով երրորդ նախարարական հանդիպմանը, որը ներկայումս նախապատրաստական փուլում է։ Մոսկվան կողմ է հաջորդ երկու հանդիպումների Բաքվում և Երևանում անցկացմանը։
«Մենք խոսեցինք այն մասին, թե որտեղ կարող է անցկացվել «3+3» ձևաչափով երրորդ հանդիպումը։ Ես կարծում եմ, որ Հայաստանի Հանրապետությունը և Ադրբեջանի Հանրապետությունը, որոնք ցանկանում են հյուրընկալել այս միջոցառումը, կարող են բավականին հեշտությամբ համաձայնության գալ միմյանց միջև, և մենք պատրաստ ենք նպաստել հանդիպման հաջորդականությանը։ Մենք կողմ ենք, որ հաջորդ երկու միջոցառումները տեղի ունենան Հայաստանի և Ադրբեջանի մայրաքաղաքներում», – նշել է նախարարը։
