Ադրբեջան-Իսրայել հարաբերություններն ամրապնդվում են՝ ուկրաինական պատերազմի և Իրանի թուլացման ֆոնին․ The National Interest
Ադրբեջանն առաջին մուսուլմանական մեծամասնություն ունեցող երկիրն է, որը կարգավորել է հարաբերությունները և առևտուրը հրեական պետության հետ։ Նա դրան հասել է 1990-ականների սկզբին՝ ԽՍՀՄ-ից անկախություն ձեռք բերելուց կարճ ժամանակ անց։ Այդ ժամանակվանից ի վեր հարաբերություններն աննկատելիորեն ծաղկում են ապրել նախ Հեյդար Ալիևի, ապա նրա որդու՝ Իլհամի ղեկավարության ներքո։ Անցյալ տարի երկու երկրները առևտուր են կատարել գրեթե 1 միլիարդ դոլարի չափով՝ հիմնականում էներգետիկայի և պաշտպանության ոլորտներում․ գրել է The National Interest-ը։
Ինչպես նշվել է, Ադրբեջանը դարձել է Իսրայելի կարևորագույն էներգետիկ գործընկերն՝ ապահովելով վերջինիս բենզինի կարիքների ավելի քան 60 տոկոսը։ Այն նաև դարձել է Իսրայելի երկրորդ խոշորագույն պաշտպանական հաճախորդը ՝ կազմելով Իսրայելի պաշտպանական արտահանման գրեթե մեկ տասներորդը 2018-2022 թվականների միջև ընկած ժամանակահատվածում։
Բաքուն ձգտում է օգտվել հրեական պետության տնտեսական դինամիզմից և տեխնոլոգիական հզորությունից։ Եվ այդպես էլ է եղել. Ադրբեջանի հաջողությունը Լեռնային Ղարաբաղի տարածքի համար 2020 թվականի պատերազմում, մեծ մասամբ, պայմանավորված էր իսրայելական առաջադեմ անօդաչու թռչող սարքերից, ինչը նրան վճռորոշ առավելություն է տվել մարտադաշտում։
Ըստ հոդվածի՝ Ռուսաստանը ներկայումս զբաղված է Ուկրաինայում իր պատերազմով, ինչը նրան քիչ հնարավորություններ է տալիս միջամտելու Հարավային Կովկասի գործերին։
Միևնույն ժամանակ, Իրանն՝ Ադրբեջանի հարավային հարևանը և գաղափարական մարտահրավեր նետողը, այժմ գտնվում է տասնամյակների ընթացքում իր ամենաթույլ քաղաքական կետում՝ նվազագույն կարողությամբ ազդելու երկրի ներքին գործերին։
