Թրամփը կարող է նոր պատժամիջոցներ կիրառել Ռուսաստանի դեմ շաբաթվա վերջին․ WSJ

ԱՄՆ նախագահ Դոնալդ Թրամփը քննարկում է Մոսկվայի դեմ լրացուցիչ սահմանափակող միջոցներ ձեռնարկելու հնարավորությունը, որը կարող է պարզ դառնալ արդեն այս շաբաթ։  Ինչպես հաղորդում է The Wall Street Journal-ը՝ հղում անելով իր աղբյուրներին, այս որոշումը կապված է ԱՄՆ նախագահի դժգոհության հետ Ռուսաստանի ղեկավարության դիրքորոշման և խաղաղ կարգավորման անբավարար դինամիկայի հետ։

Հրատարակության տվյալներով՝ նախատեսված պատժամիջոցները, հավանաբար, չեն ազդի բանկային ոլորտի վրա։ Փոխարենը, քննարկվում են թիրախային միջոցառումներ՝ ռուսական կողմին փոխզիջման համոզելու համար, այդ թվում՝ 30-օրյա հրադադարի վերաբերյալ հնարավոր համաձայնագիր։ Միևնույն ժամանակ, աղբյուրները ընդգծում են, որ սահմանափակումներ մտցնելու վերաբերյալ վերջնական որոշումը դեռևս չի կայացվել, և վարչակազմը կարող է հրաժարվել այդ ծրագրերից։