Սյունիքի մարզի շուրջ լարվածությունը պահպանվում է․ ՌԴ ՊՆ
Հայաստանի Սյունիքի մարզի շուրջ լարվածությունը պահպանվում է։ Մոսկվան հետաքրքրված է Բաքվի և Երևանի միջև խաղաղության պայմանագրով, հայտարարել է Ռուսաստանի պաշտպանության նախարար Անդրեյ Բելոուսովը։
Նա հավելել է, որ Ռուսաստանը պատրաստ է անել ամեն ինչ՝ խաղաղության պայմանագրի ստորագրմանը նպաստելու համար։
Ավելի վաղ Ռուսաստանի արտաքին գործերի նախարար Սերգեյ Լավրովը հայտարարել էր, որ Ռուսաստանն անկեղծորեն հաջողություն է մաղթում Հայաստանին և Ադրբեջանին խաղաղության պայմանագրի կնքման գործում և պատրաստ է շարունակել կողմերին տրամադրել ամեն հնարավոր օգնություն նման փաստաթղթի մշակման և ստորագրման գործում։
