ԱՄՆ նախագահը վարչակազմը միջնորդների միջոցով Թեհրանին հայտնել է բանակցությունների սեղանին վերադառնալու իր ցանկության մասին․ Իրանի ԱԳՆ
ԱՄՆ-ն պետք է բացառի Իրանի վրա հետագա հարվածները, եթե ցանկանում է վերսկսել դիվանագիտական ջանքերը, BBC-ի հետ զրույց նշել է Իսլամական Հանրապետության փոխարտգործնախարար Մաջիդ Թախտ-Ռավանչին։
Նրա խոսքով՝ ԱՄՆ նախագահ Դոնալդ Թրամփի վարչակազմը միջնորդների միջոցով Թեհրանին հայտնել է բանակցությունների սեղանին վերադառնալու իր ցանկության մասին, բայց «չի հստակեցրել իր դիրքորոշումը հետագա հարձակումների շատ կարևոր հարցի վերաբերյալ»։
«Հարստացման մակարդակը կարող է քննարկվել, ծավալները կարող են քննարկվել, բայց ասել, որ չպետք է հարստացնես ուրան, պետք է զրոյական հարստացում ունենալ, և եթե չհամաձայնվես, մենք կռմբակոծենք քեզ՝ սա ջունգլիների օրենքն է», – նշել է նա։
BBC-ի այն հարցին, թե արդյո՞ք Իրանը կարող է վերանայել իր միջուկային ծրագիրը որպես որևէ համաձայնագրի մաս, հնարավոր է՝ պատժամիջոցների մեղմացման և երկրում ներդրումներ կատարելու դիմաց, Մաջիդ Թախտ-Ռավանչին պատասխանել է. «Ինչո՞ւ պետք է համաձայնվենք նման առաջարկի»։
Նա կրկնել է, որ Իրանի ծրագիրը, որը ներառում է ուրանի մինչև 60% հարստացում, խաղաղ նպատակներ ունի։ Արտաքին գործերի փոխնախարարը նաև հավելել է, որ Իրանը միջնորդների միջոցով հաղորդագրություններ է ստացել այն մասին, որ ԱՄՆ-ն «չի ցանկանում մասնակցել Իրանում ռեժիմի փոփոխությանը»՝ թիրախավորելով երկրի գերագույն առաջնորդ այաթոլլա Ալի Խամենեիին։
Նա հավելել է, որ իրանցիները կարող են քննադատել կառավարության որոշ գործողություններ, բայց «երբ խոսքը վերաբերում է արտաքին ագրեսիային, նրանք միասնական կլինեն դրան դիմակայելու հարցում»։
