Երևանը հաճախ կողմնորոշվում է դեպի Արևմուտք՝ ի վնաս սեփական շահերի. ՌԴ ԱԳՆ
Հայաստանը հաճախ արևմտյան կողմնորոշում է ընդունում՝ ի վնաս իր ազգային շահերի, որի օրինակ է Հավաքական անվտանգության պայմանագրի կազմակերպության (ՀԱՊԿ) հետ համագործակցությունից դուրս գալը. հայտարարել է Ռուսաստանի արտաքին գործերի նախարարության ԱՊՀ երկրների չորրորդ դեպարտամենտի փոխտնօրեն Դմիտրի Մասյուկը։
«Մենք զգում ենք արևմտյանների կործանարար ազդեցությունը Հայաստանում։ Մեր խորը ցավով, այս հարավկովկասյան հանրապետությունն այդքան էլ չի դիմադրում այս փոփոխություններին և շարունակում է կողմնորոշվել դեպի Արևմուտք, հաճախ՝ ի վնաս իր ազգային շահերի։ Կոնկրետ օրինակ է Երևանի դուրս գալը ՀԱՊԿ-ի հետ համագործակցությունից», – նշել է նա։
Դիվանագետի խոսքով՝ այս կազմակերպության ներուժը տարածաշրջանում կայունություն ապահովելու համար մեծ է։
