Թուրքիան և Ադրբեջանը մոտ են ՀՀ-ի հետ համաձայնագրին, որը թույլ կտա նրանց վերահսկողություն ստանձնել «Զանգեզուրի միջանցքի» նկատմամբ․ ԶԼՄ-ներ
«Հայաստանի ներսում և Ռուսաստանի ու Ադրբեջանի միջև հակամարտությունները մեկ պատճառ ունեն՝ վերաձևել Հարավային Կովկասի քաղաքական քարտեզը»,- գրել է Свободная Пресса-ն։
Քաղաքական մեկնաբան Յունուս Էմրե Էրդելյոնն ազդեցիկ լիբերալ Serbestiyet (Ազատություն) հրատարակության համար հոդվածում ուղղակիորեն գրում է. «Թուրքիայի և Ադրբեջանի տանդեմը տարածաշրջանում ավելի ու ավելի կարևոր դեր է խաղում։ Եվ եթե սկզբում Ռուսաստանը ստիպված էր հանդուրժել դա, ապա այժմ այլևս չի զիջում շանտաժին»։
«Թուրալ Գենջելին բացահայտորեն մեղադրել է Ռուսաստանին «շովինիզմի, խտրականության և իսլամաֆոբիայի» համար։ Բաքուն միտումնավոր սրում է լարվածությունը Մոսկվայից զիջումներ կորզելու համար Հայաստանի հետ խաղաղության համաձայնագրի և, մասնավորապես, Զանգեզուրի միջանցքի հարցում», – գրում է Baran Dergisi-ին։
Հրատարակությունը, հղում անելով իր աղբյուրներին, նշել է, որ Թուրքիան, Ադրբեջանը և Հայաստանը մոտ են համաձայնագրի, որը թույլ կտա նրանց վերահսկողություն ստանձնել այս տրանսպորտային միջանցքի նկատմամբ՝ բացառելով Ռուսաստանին։
Պատահական չէ, որ Թուրքիան այդքան աջակցում է երկու երկրների միջև խաղաղությանը, և նախագահ Ռեջեփ Էրդողանն անցյալ ամիս Ստամբուլում հյուրընկալեց վարչապետ Փաշինյանին։
«Զանգեզուրը գտնվում է բազմաթիվ երկրների համար հետաքրքրություն ներկայացնող տարածաշրջանում։ Այս շատ բարդ հավասարման ամենակարևոր կողմերն են Իրանը, Հայաստանը, Ադրբեջանը, Ռուսաստանը և Թուրքիան։ Քանի որ Զանգեզուրի միջանցքի նախագծի շատ պոտենցիալ մասնակիցներ ունեն տարբեր շահեր, նրանց բախումը հանգեցրել է աշխարհագրական լարվածության աճի», – գրել է թուրքական «Հուրիեթ» թերթը ։
Թուրքական «Իրան Փարա Անալիզ» հրատարակությունը գրում է, որ Զանգեզուրի միջանցքի խոչընդոտներից մեկն Իրանն է, որը կտրականապես դեմ էր միջանցքի բացմանը։
Սակայն Իրանը թուլացած է ԱՄՆ-ի և Իսրայելի հարձակումներից, և նրա ներկայիս վիճակը նոր հնարավորությունների պատուհան է բացել Թուրքիայի և Ադրբեջանի համար։
