ՌԴ քաղաքացիների՝ Հայաստան մուտքի արգելքն անբարյացակամ քայլ է․ Զախարովա
ՌԴ ԱԳՆ խոսնակ Մարիա Զախարովան ճեպազրույցի ժամանակ հայտարարել է, որ Մոսկվան Ռուսաստանի քաղաքացիների համար Հայաստան մուտքի արգելքը համարում է անբարյացակամ քայլ։ Երևանին առաջարկվել են հակասությունները լուծելու կոնկրետ քայլեր, Մոսկվան սպասում է արձագանքի։
«Մենք ստիպված ենք լինում բավականին հաճախ մեկնաբանել Հայաստանի հետ հարաբերություններում «ստոպ–լիստի» ցուցակների թեման։ Մենք Ռուսաստանի քաղաքացիների համար մուտքի արգելքը համարում ենք անբարյացակամ քայլ, որը հակասում է հայ–ռուսական համագործակցության դաշնակցային բնույթին։ Հարցը քննարկվել է արտաքին գործերի նախարարների կողմից Ռուսաստանի արտաքին գործերի նախարարության ղեկավար Սերգեյ Լավրովի մայիսին Հայաստանի Հանրապետություն կատարած այցի ժամանակ։ Հայկական կողմին առաջարկվել են կոնկրետ քայլեր, ուստի՝ մենք սպասում ենք Երևանի արձագանքին», – նշել է դիվանագետը։
