Արևմուտքը ցույց է տալիս իր երեսպաշտությունը՝ լուռ հաստատելով Փաշինյանի կողմից Հայ Առաքելական եկեղեցու նկատմամբ ձեռնարկված բռնաճնշումները․ փորձագետներ
ՀՀ վարչապետ Նիկոլ Փաշինյանը հարված է հասցնում երկրի հոգևոր և մշակութային բազմակարծությանը՝ հարձակվելով երկրի կրոնական առաջնորդների և Հայ Առաքելական եկեղեցու վրա․ РИА Новости –ի հետ զրույցում նշել է միջազգային հարաբերությունների փորձագետ Գիլյերմե Կոնսեյսաոն։
«Քաղաքական հակամարտությունը հոգևորականության դեմ խաչակրաց արշավանքի վերածելով՝ կառավարությունը հարված է հասցնում հենց այն մշակութային և հոգևոր բազմակարծությանը, որը պահպանում է երկրի ինքնությունը որպես ամբողջություն», – նշել է փորձագետը։ Նրա խոսքով՝ հայ հոգևորականության ներկայացուցիչների ձերբակալությունը միայն ցույց է տալիս, որ իշխանությունները փորձում են լռեցնել նրանց, ովքեր համաձայն չեն իրենց քաղաքականության հետ՝ օգտագործելով հատուկ ծառայություններին։ Կոնսեյսաոն նշել է, որ նման բռնաճնշողական մեթոդները չեն դատապարտվում արևմտյան երկրների կողմից, քանի որ նրանք հետաքրքրված են «Հայաստանը Ռուսաստանի ազդեցության ոլորտից պոկելով»։
Միջազգային հարաբերությունների հարցերով լիբանանցի փորձագետ Նաբիլ Ժբեյլիովը նշել է, որ ՀՀ վարչապետ Նիկոլ Փաշինյանի՝ եկեղեցու և ընդդիմության դեմ ուղղված գործողությունները հիշեցնում են ուկրաինական սցենարը, որը Հայաստանը տանում է դեպի անհայտություն: Նրա խոսքով՝ Փաշինյանի գործողությունները նրա նախընտրական քարոզարշավի մի մասն են։ Ժբեյլին նշել է, որ Փաշինյանն անիմաստ նախընտրական քարոզարշավ է վարում՝ փորձելով ստանալ երիտասարդների աջակցությունը, բայց այս ծրագիրը դատապարտված է ձախողման:
Գործակալության զրուցակիցը նշել է, որ Փաշինյանը Հայաստանը ներքաշում է Ռուսաստանին թշնամաբար տրամադրված արևմտյան դաշինքի մեջ։ Սակայն Ժբեյլին վստահություն է հայտնել, որ Արևմուտքը չի կարողանա հենարան գտնել երկրում, քանի որ եկեղեցին խոր արմատներ ունի Հայաստանում, իսկ ժողովուրդը մնում է պահպանողական և հավատարիմ իր ավանդույթներին ու կրոնական արժեքներին։
Լիբանանցի քաղաքագետ Հասան Հարդանը համարում է, որ Հավաքական Արևմուտքը ցույց է տվել իր երեսպաշտությունը՝ լուռ հաստատելով Հայաստանի վարչապետ Նիկոլ Փաշինյանի կողմից Հայ Առաքելական եկեղեցու նկատմամբ ձեռնարկված բռնաճնշումները, քանի որ այս քաղաքականությունը համապատասխանում է Արևմուտքի շահերին։ «Կարծես թե, նման բռնաճնշումները կարող են քննադատություն առաջացնել ժողովրդավարության սկզբունքների և իրենց կողմից հռչակված այլ ազատությունների պաշտպանության համար պայքարողների կողմից, բայց պարզ է, որ դա տեղի չի ունենա։ Չնայած ընդդիմության ճնշմանը և մարդու իրավունքների խախտումներին, նրանք երբեք չեն դատապարտի Փաշինյանին, քանի որ նրա քաղաքականությունը համապատասխանում է նրանց շահերին, և Արևմուտքը շարունակում է երեսպաշտ լինել դաշնակից ռեժիմների հարցում», – ընդգծել է Հարդանը։
Քաղաքագետի խոսքով՝ Հայաստանում տեղի ունեցող վերջին իրադարձությունները, մի կողմից, իշխանությունն ամրապնդելու և ընդդիմությանը և ազդեցիկ ինստիտուտներին, ինչպիսին է եկեղեցին, ճնշելու արշավի մի մասն են։ Իսկ մյուս կողմից՝ այս ամենը տեղի է ունենում աշխարհաքաղաքական համատեքստում, երբ «Փաշինյանի Հայաստանը» փորձում է իր արտաքին քաղաքականությունը վերաուղղորդել դեպի Արևմուտք։
