Իսրայելը կարծում է՝ Իրանը կարող է հարստացված ուրանի մի մասը վերականգնել նույնիսկ ամերիկյան հարվածներից հետո
Իսրայելը կարծում է, որ Իրանը կարող է վերականգնել հարստացված ուրանը, որը թաղված էր անցյալ ամիս ամերիկյան ուժերի կողմից հարվածի ենթարկված երեք օբյեկտներից մեկի տակ․ գրում է BBC-ն՝ հղում անելով Իսրայելի բարձրաստիճան պաշտոնյայի։
Ամերիկացի լրագրողների հետ զրույցում պաշտոնյան նշել է, որ Սպահանում հարստացված ուրանին հասնելը չափազանց դժվար կլինի, և ցանկացած փորձ կհանգեցնի Իսրայելի կողմից նոր հարվածների։ Դոնալդ Թրամփը բազմիցս նշել է, որ հունիսին Իրանի վրա ԱՄՆ-ի օդային և հրթիռային հարվածները «ոչնչացրել են» երկրի միջուկային օբյեկտները, նույնիսկ այն դեպքում, երբ որոշ ամերիկյան հետախուզական գործակալություններ ավելի զգուշավոր դիրքորոշում են հայտնել այս հարցի վերաբերյալ։ Իրանն, իր հերթին, հերքում է միջուկային զենք ստեղծելու մասին պնդումները և պնդում, որ երկրում ուրանի հարստացումը խաղաղ նպատակներով է իրականացվում։
