Դրուզները պաշտպանության համար «Միասնության բանակ» են ստեղծում
Լիբանանի դրուզները հայտարարել են «Միասնության բանակ» ստեղծելու մասին՝ Մերձավոր Արևելքում դրուզ համայնքները պաշտպանելու համար։ Հայտարարությունը արվել է սիրիական զորքերի Սուվեյդա քաղաք մուտք գործելու ֆոնին, որտեղ դրուզ բնակչությունը գերակշռում է։
Դամասկոսը հայտարարել է, որ գործողության նպատակն է քաղաքը մաքրել զինված խմբավորումներից։ Դրանից հետո Իսրայելի ռազմաօդային ուժերը մի շարք հարվածներ են հասցրել սիրիական զորքերին, Իսրայելը նաև սպառնացել է շարունակել հարձակումները, մինչև Սիրիայի պաշտպանության նախարարության ուժերը չլքեն Սուվեյդան։
