Սամվել Կարապետյանը չի հայտարարել, որ սակագինն իջնելու է, ասել է՝ չի բարձրանալու. Դավիթ Ղազինյանի ճեպազրույցի առանցքային կետերը
ՀԷՑ–ի գլխավոր տնօրենի պաշտոնակատար Դավիթ Ղազինյանը լրագրողների հետ զրույցում խոսել է ՀԷՑ-ի պետականացման, Ռոմանոս Պետրոսյանի՝ կառույցի ղեկավար նշանակվելու որոշման և այլ հարցերի մասին: Ճեպազրույցի առանցքային կետերը ներկայացնում ենք ստորև.
- Այն, որ ես ուրբաթ ներկայացել եմ որպես տնօրենի ժամանակավոր պաշտոնակատար, հերթական սուտն է։ Մեր լրատվականի կողմից եղել է հայտարարություն, որ եթե ցանկացողներ կան, Ղազինյանը կարող է մեկնաբանություն տալ, բայց որպես այդպիսին ասուլիս չի եղել, ես էլ նման հայտարարություն չեմ արել։
- Ես ի սկզբանե կանխատեսել եմ այս սցենարը․ շան գլուխն այլ տեղ է թաքնված։ Այս կերպ նրանք փորձում են ցույց տալ, որ «տեսե՛ք՝ Ղազինյանին ինչ արեցինք, պատկերացրեք՝ ձեզ ինչ կանենք»։ Կոչ եմ անում մեր բոլոր աշխատակիցներին մնալ և աշխատել ի բարօրություն Հյաստանի Հանրապետության։
- Պետրոսյանի կողմից նշված չարաշահումները կանխվել են, որի արդյունքը ունենք այսօր։ Էլեկտրաէներգիայի կորստի տոկոս ունենք այսօր, որը 13 տոկոսից 6․5 տոկոս է։
- Թվերը մեծացնելով՝ ուղղակի փորձում են մանիպուլիացիայի ենթարկել ժողովրդին։ Այս պահին կարող եմ ասել՝ անկախ հանձնաժողովը այդքան էլ անկախ չի գործել։ Կառավարիչը գալիս է այստեղ, հանձնաժողովի նախագահի ապօրինի տրված լիազորության հիման վրա բացված վարույթը համարում է փակված, համարում է,որ Ղազինյանը վստահություն չունի։
- Սամվել Կարապետյանն այս պահին կալանավայրում է, դուք գիտեք՝ 7 տարիների ընթացքում ինչ է եղել։ Ուզում եմ հասկանալ՝ իմ մուտքն արգելելը կամ իմ հեռացման դիմումը արդյո՞ք հավասարազոր է այն ամենին, ինչ արվել է։
