Հրաշքներ պետք չէ ակնկալել․ Կրեմլը` ռուս-ուկրաինական բանակցությունների մասին
ՌԴ նախագահի խոսնակ Դմիտրի Պեսկովը հայտարարել է, որ ռուս–ուկրաինական ուղիղ բանակցությունների երրորդ փուլից հրաշքներ ակնկալելու որևէ հիմք չկա․ գրում է Reuters գործակալությունը։
Պեսկովը նաև հրաժարվել է պատերազմը դադարեցնելու հնարավոր համաձայնագրի համար որևէ ժամկետ նշել։ «Հրաշքների առումով որևէ բեկում ակնկալելու հիմք չկա. ստեղծված իրավիճակում դա դժվար թե հնարավոր լինի։ Մենք մտադիր ենք հետևել մեր շահերին, պաշտպանել մեր շահերը և կատարել այն խնդիրները, որոնք մենք մեզ համար սահմանել ենք ի սկզբանե», – լրագրողներին ասել է Պեսկովը։
