Ֆրանսիական դատարանը կորոշի՝ կարո՞ղ է արդյոք Ասադին զրկել անձեռնմխելիությունից և դատել քիմիական զենքի կիրառման համար

Ֆրանսիայի բարձրագույն դատարանը ուրբաթ կորոշի՝ կարո՞ղ է արդյոք Սիրիայի նախկին նախագահ Բաշար ալ-Ասադին զրկել պետության ղեկավարի անձեռնմխելիությունից․ գրում է Euronews-ը։

Նշվում է, որ նման որոշումը կարող է հարթել Ասադի հեռակա դատավարության ճանապարհը քիմիական զենքի կիրառմամբ ենթադրյալ հարձակումների գործով։ Ասադը հեռակա կարգով դատվում է Ֆրանսիայի վճռաբեկ դատարանում՝ 2013 թվականին Ղութայում և 2018 թվականին Դումայում քիմիական զենքի կիրառման համար։ Սիրիայի նախկին նախագահը, սակայն, չի ընդունում մեղադրանքը։