Ռուսաստանը շնորհակալ է Թուրքիային` Ուկրաինայի հարցում միջնորդության համար. Պեսկով
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ռուսաստանը շնորհակալ է Անկարային և Թուրքիայի ղեկավարությանը Ուկրաինայում իրավիճակը կարգավորելու ուղիներ գտնելու և բանակցությունների համար պայմաններ ստեղծելու ջանքերի համար։
«Մենք շնորհակալ ենք այն պայմանների համար, որոնք թուրքական ղեկավարությունն ապահովում է բանակցությունների համար։ Եվ, իհարկե, մեր այս տրամադրվածությունը պահպանվում է նաև ապագայում», – լրագրողներին ասել է Պեսկովը։
Ռուսաստանի նախագահի մամուլի քարտուղարը նշել է, որ Թուրքիան՝ որպես Ուկրաինայի վերաբերյալ բանակցությունների վայր, դուր է գալիս բանակցային գործընթացի կողմերին։
