Փաշինյանը զբաղվում է սեփական երկրի մեծածախ և մանրածախ առևտրով․ ՌԴ պաշտոնյաներ

ՀՀ վարչապետ Նիկոլ Փաշինյանն, Արևմուտքի պահանջով, «հանձնեց ամեն ինչ», որի համար պայքարել են հայերի բազմաթիվ սերունդներ․ РИА Новости-ի հետ զրույցում նշել է Պետդումայի պաշտպանության կոմիտեի առաջին փոխնախագահ Ալեքսեյ Ժուրավլյովը:

Պատգամավորը նշել է, որ Երևանը ոչինչ չի ստացել ո՛չ Բաքվից, ո՛չ Վաշինգտոնից, իսկ «Զանգեզուրի միջանցքը» վարձակալության է տրվել ամերիկացիներին 99 տարով:

«Պանամայի օրինակը ցույց է տալիս, թե ինչպես է սա սովորաբար ավարտվում. ջրանցքի վարձակալի կարգավիճակով ՝ ԱՄՆ-ն այնուհետև մի քանի տասնամյակ արդյունավետորեն վերահսկում էր երկիրը: Նույնը հիմա սպառնում է նաև Հայաստանին, որտեղ իր սեփական վարչապետը զբաղվում է մեծածախ և մանրածախ առևտրով», – եզրափակել է Ժուրավլյովը:

Ռուսաստանի Պետդումայի ԱՊՀ հարցերով հանձնաժողովի ղեկավարի առաջին տեղակալ Կոնստանտին Զատուլինը նշել է, որ Հայաստանի և Ադրբեջանի առաջնորդներ Նիկոլ Փաշինյանի և Իլհամ Ալիևի կողմից կնքված խաղաղության համաձայնագրերը միայն անարդարության վրա հիմնված փոխարինող խաղաղություն են։

Նրա խոսքով՝ Հայաստանի վարչապետն «արտակարգ համեստություն է ցուցաբերում նույնիսկ այնպիսի «մանրուքներում», ինչպիսիք են իրենց հողերից վտարված Արցախի հայ բնակչության կամ Բաքվում գերի պահվող Լեռնային Ղարաբաղի ղեկավարների ճակատագիրը, չհաշված Օսմանյան կայսրությունում հայերի Ցեղասպանության հարցում ցանկացած ճշմարտության մերժումը»։