ՀՀ-ի և Ադրբեջանի միջև խաղաղության ուղղությամբ առաջ շարժվելու ուղին մնում է անորոշ․ The Organization for World Peace
ՀՀ-ի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի նախագիծը դրական քայլ է տասնամյակներ տևած բռնության դադարեցման ուղղությամբ և ցույց է տալիս երկու կառավարությունների հանձնառությունը՝ ձգտելու երկխոսության, այլ ոչ թե՝ զինված բախման: Այնուամենայնիվ, ինչպես ցույց է տալիս պատմությունն, առաջ շարժվելու ուղին մնում է անորոշ․ գրել է The Organization for World Peace։
Ինչպես նշվել է, անցյալում երկու հակամարտող ազգերի միջև բազմաթիվ համաձայնագրերը, թեև թղթի վրա խոստումնալից էին, չեն կարողացել լուծել հակամարտությունը: Բացի այդ՝ դեռևս կան բազմաթիվ խոչընդոտներ, որոնք պետք է հաղթահարվեն: Հատկանշական է, որ Ռուսաստանը և Իրանը մտահոգություն են հայտնել ԱՄՆ-ի ազդեցության աճի վերաբերյալ TRIPP միջանցքի տարածքում:
Ըստ հոդվածի՝ որպեսզի խաղաղության պայմանները լինեն կայուն, արդյունավետ և երկարաժամկետ, անհրաժեշտ է ամուր դիվանագիտական համագործակցություն և երկխոսություն: Երրորդ չեզոք միջնորդի օգնությունը դարձել է հիմնական ակտիվն այս վերջին հանդիպման ժամանակ: Միացյալ Նահանգները պետք է շարունակի հանձնառու մնալ կարճաժամկետ ձեռքբերումներին դիմակայելուն՝ հօգուտ երկարատև խաղաղության: Այնուամենայնիվ, Թրամփի արտաքին քաղաքականության վերջին ցուցանիշները հակված են ԱՄՆ ազգային շահերը դասել ավելի լայն միջազգային կայունությունից վեր, ինչը կարող է խաթարել երկու երկրների կողմից երկարատև հակամարտության լուծման ուղղությամբ ձեռնարկված առաջընթացը:
