ԵՄ-ն մտադիր է Թրամփի հետ խաղաղության բանակցությունները վերածել Ռուսաստանի համար ծուղակի․ Politico

ԵՄ առաջնորդները ցանկանում են հրապարակավ աջակցել ԱՄՆ նախագահ Դոնալդ Թրամփի նախաձեռնություններին՝ Ուկրաինայում հակամարտությունը կարգավորելու համար, որպեսզի բանակցային գործընթացում ցանկացած ձախողման համար մեղադրեն Ռուսաստանին․ այս մասին հաղորդում է եվրոպական Politico հրատարակությունը՝ հղում անելով աղբյուրներին։

Հոդվածում ասվում է, որ եվրոպացի քաղաքական գործիչները կասկածանքով են վերաբերվում Թրամփի խաղաղության ջանքերին և մտադիր են նրա հետ խաղալ այն հույսով, որ մի օր նա ավելի կոշտ դիրքորոշում կհայտնի Մոսկվայի նկատմամբ։

Թերթի տվյալներով՝ եվրոպացիները պատրաստ են օգտագործել գովեստն ու շողոքորթությունը՝ իրենց նպատակներին հասնելու համար։