Թրամփի գալով թունելի վերջում լույս է երևում. Վլադիմիր Պուտին
Արևմուտքում քարոզչություն է գործում։ Ասում են, որ պատերազմն սկսել է Ռուսաստանը՝ մոռանալով, որ պատերազմն սկսվել է 2014 թվականին՝ Դոնբասի բնակչության դեմ. հայտարարել է ՌԴ նախագահ Վլադիմիր Պուտինը։
«Ռուսաստանն ամեն ինչ անում է` Դոնբասի բնակչության դեմ 2014 թվականին սկսված պատերազմը դադարեցնելու համար»,- ասել է նա։
Պուտինը, խոսելով Ռուսաստանի և ԱՄՆ-ի հարաբերությունների մասին, նշել է, որ ԱՄՆ-ի հետ հարաբերությունները ցածր մակարդակի վրա են, բայց Թրամփի գալով թունելի վերջում լույս է երևում։
«Ռուսաստանի և ԱՄՆ-ի կողմից ձեռնարկված առաջին քայլերը հարաբերությունների լիարժեք վերականգնման սկիզբ կլինեն։ Թրամփի առաջնորդական որակները լավ երաշխիք են ԱՄՆ-ի հետ հարաբերությունների վերականգնման համար»,- նշել է նա։
ՌԴ նախագահը շեշտել է, որ Ռուսաստանը չունի ոչ բարեկամ երկրներ, կան ոչ բարեկամ էլիտաներ որոշ երկրներում։ Նրա խոսքով՝ նրանք, ովքեր դադարեցրել են Ռուսաստանի հետ փոխգործակցությունը քաղաքական ճնշման պատճառով, կվերադառնան։
