Թրամփի համբերությունը Պուտինի նկատմամբ սպառվում է. Ալեքսանդր Ստուբ
ԱՄՆ նախագահ Դոնալդ Թրամփի համբերությունը Ռուսաստանի նախագահ Վլադիմիր Պուտինի նկատմամբ սպառվում է. այս մասին Yle հեռուստաալիքին տված հարցազրույցում ասել է Ֆինլանդիայի նախագահ Ալեքսանդր Ստուբը` Թրամփի հետ հեռախոսազրույցից հետո։
«Կա երկու հիմնական պատճառ, թե ինչու Թրամփը կարող է կորցնել իր ռուս գործընկերոջ համակրանքը։ Առաջինը՝ ժամանակի գործոնն է, մասնավորապես՝ բանակցային գործընթացի ձգձգումը։ Չնայած վաղ հանդիպման խոստումներին, եղել են տեղեկություններ կոնկրետ ծրագրերի բացակայության մասին»,- ասել է Ստուբը։
Որպես օրինակ նա մեջբերել է Ռուսաստանի արտգործնախարար Սերգեյ Լավրովի հայտարարությունը Պուտինի՝ Ուկրաինայի նախագահ Վլադիմիր Զելենսկիի հետ հանդիպելու պատրաստակամության մասին , բայց միայն այն դեպքում, եթե լինի նախագահական օրակարգ, որը ներկայումս բացակայում է։
«Երկրորդ պատճառը, որը կարող է սպառել Թրամփի համբերությունը շարունակվող հարձակումներն են։ Քիչ հավանական եմ համարում Պուտինի և Զելենսկիի հանդիպումը հաջորդ մեկուկես շաբաթվա ընթացքում։ Հենց այս ժամանակահատվածից հետո Թրամփը կարող է հասնել այն կետին, որտեղ իր համբերությունը կսպառվի։
Հիշեցնենք, որ ավելի վաղ Թրամփը խոստովանել էր , որ Պուտինի և Զելենսկու հանդիպումը անարդյունք կլինի։
