Փաշինյանի դիրքորոշմանը հակառակվող կարծիք հայտնած պաշտոնյան ազատվել է աշխատանքից
ՀՀ վարչապետ Նիկոլ Փաշինյանի որոշմամբ՝ Միջազգային իրավական հարցերով ներկայացուցչի գրասենյակի ղեկավար Լիպարիտ Դրմեյանին ազատվել է աշխատանքից։
Ավելի վաղ վարչապետի ենթակայությամբ գործող Միջազգային իրավական հարցերով Հայաստանի ներկայացուցչի գրասենյակն էր ՀԷՑ֊ի վերաբերյալ միջազգային արբիտրաժի որոշումը և նշել, որ այն պարտադիր կատարման ենթակա է:
«Ի պատասխան ՀԾԿՀ-ի՝ արբիտրաժային վճռի պարտադիր կատարման ենթակա լինելու վերաբերյալ վարչապետի աշխատակազմ ուղարկված մի շարք հարցադրումների՝ Միջազգային իրավական հարցերով ներկայացուցչի գրասենյակը մանրամասն ներկայացրել է վերաբերելի իրավակարգավորումներն արբիտրաժային վճիռների, այդ թվում՝ Ստոկհոլմի արտակարգ արբիտրի հուլիսի 22-ի վճռի պարտադիրության, դրա կամավոր կատարման և ճանաչման վերաբերյալ»,- հայտնել էին գրասենյակից:
Փաշինյանը, սակայն, երեկ խոսելով այդ մասին, հայտարարել էր, թե «Կառավարությունն ինքն է, և կառավարությունից որևէ մեկը չի կարող իրեն հակադրվող կարծիք ունենալ»: Փաշինյանն իրեն հակասող դիրքորոշում ունեցողներին հորդորել էր դիմում գրել և դուրս հեռանալ, հակառակ դեպքում սպառնացել էր ազատել նրանց:
Խոսելով արբիտրաժի որոշման մասին՝ Փաշինյանը պնդել էր, թե գործադիրը հաղթել է:
