Իրանի խորհրդարանը «Զանգեզուրի միջանցքի» ստեղծումը համարել է կոլեկտիվ անվտանգությանն ուղղակի սպառնալիք
Իրանի խորհրդարանը դեմ է արտահայտվել «Զանգեզուրի միջանցքին»․ հաղորդել է «Իրանի ձայնը» Telegram ալիքը։
Խորհրդարանի խոսնակ Մոհամմադ Բաղեր Ղալիբաֆը մտահոգություն է հայտնել «Զանգեզուրի միջանցք» նախագծի վերաբերյալ՝ նշելով, որ դրա իրականացումը հակասում է տարածաշրջանի ժողովուրդների շահերին և կարող է սպառնալ ընդհանուր անվտանգությանը։
Խորհրդարանի խոսնակը նաև քննադատել է նախագահ Մասուդ Փեզեշքիանի դիրքորոշումը՝ նշելով, որ նրա հայտարարություններն այս հարցի վերաբերյալ վնասակար են Իրանի ազգային շահերի համար։
Իրանի խորհրդարանի 150 (290-ից) անդամներ ընդունել են հայտարարություն «Զանգեզուրի միջանցքի» վերաբերյալ։ Հայտարարության մեջ միջանցքի ստեղծումն անվանվել է «տարածաշրջանի ժողովուրդների շահերին հակասող և կոլեկտիվ անվտանգությանն ուղղակի սպառնալիք»։
