«Մեր ձևով» շարժումը կկազմակերպվի հինգ ուղղությամբ՝ երկրի զարգացման համար. Նարեկ Կարապետյան

Սամվել Կարապետյանի եղբորորդին, «Մեր ձևով» շարժման համակարգող Նարեկ Կարապետյանն, այսօր, մամուլի ասուլիսի հայտարարել էր «Մեր ձևով» կամավորական շարժման մասին: Կարապետյանը, նույն ասուլիսի ժամանակ նշել է, որ շարժումն իրականացվելու է հինգ ուղղությամբ և ստեղծվելու է հինգ աշխատանքային խումբ, որոնք հերթով լուծելու են տարբեր խնդիրներ։

Առաջին խումբը կոչվում է «Նոր տնտեսություն՝ աշխատանք և բարեկեցություն բոլորի համար»: Կարապետյանի խոսքով՝ Հայաստանի տնտեսությունը, որ հիմնված է նախկին Խորհրդային ընկերությունների վրա, 30 տարվա ընթացքում նոր տնտեսական մոդել չի ստեղծել։

«Մենք հավաքելու ենք համաշխարհային և տեղական տնտեսագետների թիմ, որպեսզի մշակեն Հայաստանի տնտեսական զարգացման նոր մոդելը», – ասել է նա։

Երկրորդ խումբը կզբաղվի երիտասարդ զույգերի խնդիրներով՝ կոչվելով «Մեծ հայկական ընտանիք»:
«Այս խումբը մշակելու և առաջարկելու է երիտասարդական ու ժողովրդագրական քաղաքականություն, քանի որ ծնելիության վիճակը թույլ է և եթե շարունակվի այսպես, 2100 թվականին ՀՀ բնակչությունը կլինի 1.7 մլն», – ընդգծել է Կարապետյանը։

Երրորդ խումբը կենտրոնանալու է արտաքին քաղաքական հայեցակարգի մշակման վրա:

«Կարևոր է ուսումնասիրել խաղաղության պայմանագրի նախաստորագրման վերաբերյալ մտավախությունները՝ մասնագետների օգնությամբ, և ստեղծել համապատասխան արտաքին քաղաքական մոդել», – ասել է նա։

Չորրորդ խումբը կզբաղվի տաղանդավոր երեխաների և երիտասարդների կրթության հետ կապված ծրագրերով:

«Մենք առաջարկում ենք ստեղծել հատուկ խումբ, որը դպրոցից մինչև համալսարան և աշխատանքի ոլորտի մշակում կգործուղի տաղանդավոր երիտասարդներին՝ ապահովելով նրանց համապատասխան կրթություն», – հայտարարել է Կարապետյանը։

Վերջին՝ հինգերորդ խումբը կհետևի Հայ Առաքելական Սուրբ Եկեղեցու և ազգային արժեքների պահպանությանը:

«Սամվել Կարապետյանն այս պահին սահմանափակումների մեջ է իր համոզմունքների պատճառով, և դա մեզ համար հպարտություն է։ Եկեղեցին պետք է սովորեցնի մեզ համեստություն, աշխատասիրություն և հպարտության կառավարում», – շեշտել է նա։