ՀՀ-ԱՄՆ փոխըմբռնման հուշագիրը՝ կետերով
Հրապարակվել է ՀՀ-ի և ԱՄՆ-ի միջև ստորագրված փոխըմբռնման հուշագրի տեքստը, որի կարևոր մի քանի կետ ներկայացնում ենք ստորև, իսկ ամբողջական տարբերակին կարող եք ծանոթանալ ՀՀ կառավարության կայքում:
ԱՄՆ և ՀՀ Կառավարությունների միջև ԱԲ-ի և կիսահաղորդիչների ոլորտում նորարարական գործընկերության համագործակցության ոլորտները
- ԱՄՆ մասնավոր հատվածի, միավորումների և համապատասխան այլ շահագրգիռ կողմերի շրջանում Հայաստանում առկա կիսահաղորդիչների էկոհամակարգի և արտահանումների վստահելի վերահսկողության մեխանիզմների վերաբերյալ իրազեկվածության բարձրացում,
- կիսահաղորդիչների անվտանգ մատակարարման շղթաների արտահանումների վերահսկողության միջոցների ընդլայնում,
- արհեստական բանականության հավելվածների և մոդելի մշակման արտահանումների արդյունավետ հսկողության միջոցների ամրապնդում,
- մասնակիցների միջև համագործակցության ընդլայնում՝ սահմանելու, վերհանելու և կանխելու արհեստական բանականության ռեսուրսների շեղումը,
- աշխատուժի պատրաստում՝ արհեստական բանականության հավելվածներն արդյունավետորեն օգտագործելու և ինտեգրելու, այդ թվում՝ ազատության, ճշգրտության, ամբողջականության և նպատակի հետ կապված խնդիրների հարցում,
- Հայաստանի բարձր տեխնոլոգիական ոլորտում ներդրումները և ենթակառուցվածքի զարգացումը խթանելու հնարավորություններ:
ԱՄՆ և ՀՀ Կառավարությունների միջև էներգետիկ անվտանգության շուրջ համագործակցության ոլորտները
- քաղաքացիական ոլորտում ատոմային էներգիայի հարցերով համագործակցություն, այդ թվում՝ փոքր մոդուլային ռեակտորների տեխնոլոգիաներ,
- ներդրումների խթանում՝ Հայաստանի խիստ կարևոր էներգետիկ ենթակառուցվածքը հզորացնելու համար, այդ թվում՝ վերականգնվող էներգիայի աղբյուրների համար էներգակուտակիչ մարտկոցային կայանների զարգացման հարցում, և
– ներդրումների խթանում՝ Հայաստանի էլեկտրահաղորդման և բաշխման ցանցերն արդիականացնելու համար,
– Հայաստանի էներգետիկ ենթակառուցվածքի կիբեռանվտանգության մեծացում, այդ թվում՝ տեխնիկական օժանդակության միջոցով։
