Ինչու՞ է փոխվել ուսումնական դասերի մեկնարկման ժամը․ ABC media-ին մանրամասներ են հայտնել Երևանի քաղաքապետարանից
Սեպտեմբերի 1-ից Երևանի բոլոր պետական հանրակրթական ուսումնական հաստատություններում (հիմնական, միջնակարգ և ավագ դպրոցներ) ուսումնական դասերը կմեկնարկեն ժամը 08:15-ին:
«ԿԳՄՍ նախարարության և Երևանի քաղաքապետարանի համատեղ նախաձեռնության նպատակն է ստեղծել առավել հարմարավետ պայմաններ, որպեսզի երեխաները կարողանան առանց ավելորդ շտապելու և խցանումների ազդեցության ժամանակին հասնել դպրոց։
Այս փոփոխությունը միտված է նաև առավոտյան ժամերին երթևեկության կազմակերպվածության բարելավմանը, ինչը կօգնի նվազեցնել ճանապարհներին ծանրաբեռնվածությունը և ապահովել ավելի հանգիստ օրվա սկիզբ ինչպես երեխաների, այնպես էլ նրանց ընտանիքների համար»,- ABC media-ին հայտնել են Երևանի քաղաքապետարանից:
