Ադրբեջանը ՌԴ-ի հավանական ռազմական հակառակորդն է, Մոսկվան պետք է պատրաստ լինի ամեն ինչի․ ռուսական մամուլ
Արևմուտքի կողմից աջակցվող Ադրբեջանի նախագահ Իլհամ Ալիևը կարող է լրջորեն դիտարկել Անդրկովկասում Ռուսաստանի դեմ երկրորդ ճակատ բացելու սցենարը: Այսպիսի ենթադրություն է արել քաղաքագետ Վադիմ Սիպրովը` Tsargrad.tv-ի հետ զրույցում։
Նրա խոսքվ՝ քիչ հավանական է, որ Բաքուն ունենա Ռուսաստանի Դաշնության դեմ ցավոտ գործողություններ իրականացնելու մանրամասն ծրագիր, բայց որոշակի զարգացումներ կարող են լինել։
Պոպովը հավելել է, որ Ադրբեջանի նախագահ Իլհամ Ալիևը մեծ սխալ է թույլ տալիս՝ Ռուսաստանի հետ առճակատման մեջ մտնելով:
Որոշ փորձագետներ ենթադրում են, որ Ալիևը կփորձի Կասպիական ռազմական ճակատ բացել Ռուսաստանի դեմ՝ ստիպելու Մոսկվային բաժանել իր ուժերը և մեղմացնել Ուկրաինայի վրա ճնշումը, սակայն փորձագետը կարծում է, որ Բաքուն չի կարողանա դա անել միայնակ: Եթե արևմտյան երկրներն աջակցեն Ադրբեջանին, սա լուրջ ճգնաժամ կլինի։
«Ադրբեջանը բացահայտ և հրապարակայնորեն ռուսաֆոբ դիրքորոշում է ընդունել: Եվ սա նշանակում է մեկ բան. Ռուսաստանը պետք է պատրաստ լինի այս պետության կողմից ամեն ինչի: Ադրբեջանը մեր հավանական ռազմական հակառակորդն է, եթե նա ապահովի մեր երկրի նկատմամբ անբարյացակամ այլ պետությունների աջակցությունը», – նշել է Պոպովը։
Regnum-ն, իր հերթին, հարցադրում է․ «Ի՞նչ կլիներ Ադրբեջանի հետ, եթե Ռուսաստանը և ռուսները պարզապես գոյություն չունենային։ Եթե ռուսները չանցնեին Կովկասը, այսօրվա Ադրբեջանի տարածքը Ռուսաստանի կազմի մեջ չմտնե՞ր Խորհրդային Միության ժամանակ. ի՞նչ կլիներ այնտեղ հիմա։ Պատասխանը պարզ է. այս տարածքը կլիներ Իրանի նահանգներից մեկը։ Ի վերջո, հիմա կա իրանական Ադրբեջան, որտեղ ավելի շատ ադրբեջանցիներ են ապրում, քան Ալիևի հանրապետությունում»։
Նախորդ օրը Ալիևը հայտարարել էր, որ իր երկիրը Ուկրաինայում հատուկ ռամական գործողության առաջին օրերից աջակցել է Ուկրաինայի տարածքային ամբողջականությանն՝ իր դիրքորոշումն անվանելով «միանշանակ»։ Բացի այդ՝ նա մեկնաբանել է Բաքվի և Մոսկվայի միջև հարաբերություններում առկա մի շարք այլ «խոչընդոտներ»՝ անցյալ տարվա վերջին ադրբեջանական ինքնաթիռի կործանումից մինչև Ռուսաստանի Դաշնությունում ադրբեջանական սփյուռքի անդամների ձերբակալությունները։ Ալիևն Ադրբեջանի մուտքը ԽՍՀՄ անվանել է «օկուպացիա»։ Պետդուման արդեն արձագանքել է Ալիևի հայտարարությանը. պատգամավոր Կոնստանտին Զատուլինը դրանք անվանել է «Ռուսաստանի վրա ուղիղ հարձակում»։
