Պակիստանի և Հայաստանի արտգործնախարարները քննարկել են դիվանագիտական հարաբերությունների հաստատման հարցը
Հայաստանի արտաքին գործերի նախարար Արարատ Միրզոյանը հեռախոսազրույց է ունեցել Պակիստանի արտաքին գործերի նախարար Իշաք Դարի հետ։ Այս մասին X-ի իր միկրոբլոգում գրել է Պակիստանի ԱԳ նախարարը:
Երկու երկրների գլխավոր դիվանագետները քննարկել են դիվանագիտական հարաբերությունների հաստատման հնարավորությունը։
«Հայաստանի Հանրապետության արտգործնախարար պարոն Արարատ Միրզոյանի հետ այսօր ջերմ հեռախոսազրույց ունեցանք և պայմանավորվեցինք քննարկել Պակիստանի և Հայաստանի միջև դիվանագիտական հարաբերությունների հաստատման հնարավորությունը», – գրել է Իշաք Դարը։
